泡菜炒飯

泡菜炒飯係韓國家庭會做既菜式之一，其味道甜甜辣辣，令人胃口大開，我再加入炒香過既煙肉，真是好香好味呀

材料：

泡菜     半杯

煙肉 　 3片

雞蛋 　 1隻

白飯 　 1碗

蔥 　     適量

 

調味料：

泡菜汁 　  3湯匙

韓式辣醬   半湯匙

糖 　          半湯匙

做法：

1. 泡菜、煙肉和蔥切粒，備用

2. 炒熟煙肉再加泡菜炒熟

3. 放入飯和調味料，炒2-3分鐘至熟，最後煎熟蛋，放面，灑上蔥粒，完成

題外話：呢隻泡菜係一田買，係我食過咁多款最好食的

海㡳椰無花果螺頭湯

海底椰清熱潤肺，止咳，滋陰潤燥 ，加埋無花果，有助排毒、保健既功效

材料：

乾螺頭       2粒

乾海底椰   半碗

淮山           4塊

無花果       4粒

陳皮           1角

南北杏       適量

瘦肉          ＄30

做法：

1. 所有材料洗淨，果皮去嚢，瘦肉出水

2. 淮山用水浸45分鐘左右，然後再沖一次水，以防有流黃

3. 除肉之外，所有材料隨凍水落，直到水滾，之後轉慢火煲2.5 小時，完成

韓式豬腩肉

少少辣好惹味，第一次整份量冇預咁多，估唔到大受歡迎

材料：

豬腩片  1包

洋蔥     半個 

蒜片    

薑絲

蔥

醃料：

韓式辣醬   1湯匙

豉油          1湯匙

糖              1茶匙

酒              1茶匙

介辣醬       1茶匙

芝麻

做法：

1. 洋蔥、薑切絲，蒜頭切片

2. 豬腩片，加入韓式辣醬，豉油，糖，酒，介辣醬，芝麻，洋蔥絲，蒜片，薑絲，拌勻醃半個鐘

3. 熱油，將所有材料爆炒，再加蔥段炒熟，完成

沙茶醬大蝦花甲粉絲煲

惹味的沙茶醬大蝦花甲粉絲煲，轉用韓國粉絲煮一樣入味！

材料：

花甲         1斤

大蝦         6隻

韓國粉絲 

娃娃菜      2棵

蔥花

唐芹

醃料 :

蠔油      2茶匙

沙茶醬  2茶匙

老抽      2茶匙

生抽      1茶匙

糖          1茶匙

麻油      1茶匙

做法：

1. 花甲吐沙，然後洗淨備用

2. 大蝦洗淨，去腸，備用

3. 韓國粉絲用熱水浸軟，隔去水份，用醃料拌勻，醃半小時

4. 先將蝦煎熟，盛起備用

5. 爆香蒜、薑片，將花甲加入，鑊邊灒少許花雕酒，再加水蓋過花甲煮至開口

6. 放入娃娃菜、韓國粉絲煮至軟身，加少許鹽或生抽調味

7. 最後放入煎好的大蝦、加上蔥花、唐芹拌勻，完成

French - Style Roast Chicken

今次用22buffet size fit到爆，先將BB焗薯、車厘茄墊底索哂d汁，食落發覺原來配料先至係精華所在，焗雞看似複雜其實好簡單，下次可以招呼朋友上黎食飯喇

材料：

法國春雞   1隻

BB焗薯        

車厘茄

牛油

海鹽

黑椒

Rosemary  

做法：

1. 所有材料洗淨，BB焗薯、車厘茄切粒，Rosemary 去莖，切碎

2. 牛油室溫解溶，加入海鹽、黑椒、Rosemary拌勻，搽勻全隻雞

3. 焗爐230度預熱

4. 先放BB焗薯、車厘茄，再放法國春雞，上面放一束Rosemary

5. 入焗爐焗20 mins，反轉再焗15 mins至熟，完成

港式辣魚蛋

平時經過街邊，見到有車仔檔賣魚蛋，總會幫襯一串，但每檔既質素亦有別，我自己就十分喜歡新記既辣魚蛋醬汁，上網參考左幾個食譜，再加加減減，終於做到類似嘅醬汁喇，而重點係一定要用印度咖喱粉及花生醬炒香，煮完嘅效果會香好多架

材料：

豉油魚蛋            1-2磅

乾蔥頭

蒜頭

桂皮                   半塊

八角                    2粒

香葉                    3片

冠益咖喱醬         3湯匙

悅和甜面醬         1.5湯匙

九龍醬園柱侯醬  1.5湯匙

印度咖喱粉         1湯匙

悅和花生醬         1湯匙

蠔油                   半湯匙

片糖                   半片

水                       3碗

做法：

1. 豉油魚蛋出水，隔去水份，備用

2. 熱油爆香乾蔥頭、蒜頭及咖哩粉炒香

3. 加入柱候醬，甜面醬，咖哩醬一起炒香，加入八角及香葉

4. 加水滾起，放入片糖試味，之後加入花生醬及蠔油，調較自己喜歡的味道

5. 調好味道，放入魚蛋煮至脹起，完成

螞蟻上樹

有故事的螞蟻上樹，中菜裡有許多菜名的典故都是非常有意思的，而螞蟻上樹既名字是源自關漢卿筆下的「竇娥冤」

真是利害啊，餸菜背後亦有故事

材料：

豬肉碎/牛肉碎   $10

粉絲    1扎

做法：

1. 肉碎用豉油，糖，豆粉醃一陣，粉絲先浸水，不過只需要略浸，佢無咁硬身已經可以

否則會太軟，炒出來就無咁好食

2. 落油蒜蓉起鑊爆熟肉碎，落生抽，老抽，胡椒粉，蠔油，糖，1碗水，豆瓣醬

3. 煮滾試味加粉絲至收乾水，落葱落麻油拌勻，完成 

淮山節瓜響螺紅棗日月魚豬尾骨湯

補肝益腎明目，飲完對眼都精靈d，今次用豬尾骨黎煲，唔使落鹽啖湯都好夠味

材料：

淮山      4片

節瓜      2條

響螺      2個

紅棗      4粒

日月魚  4片

瑤柱      2粒

豬尾骨  $30

做法：

1. 所有材料洗淨，節瓜去皮切件，紅棗去核

2. 豬尾骨、響螺出水備用

3. 水滾將所有材料加入，煲2.5小時，完成

蜜汁叉燒

成日都話我好耐冇整叉燒、好想食，見你呢排咁乖，就整啦，哈哈...

大家要緊記揀半肥瘦，因為焗出黎先至會juicy & yummy

材料:

半肥瘦枚柳  ＄40

麥芽糖          3湯匙

醃料:

柱侯醬      1湯匙

叉燒醬      3湯匙

玫瑰露酒   1湯匙

紅椒粉       2茶匙

豉油          1湯匙

做法：

1. 洗淨枚柳，抺乾，用叉平均叉幾下枚柳

2. 醃料拌勻，平均塗抹枚柳，醃3小時

3. 預熱焗爐，230度

4. 麥芽糖用熱水座溶，焗盆放上枚柳，掃上麥芽糖，焗20分鐘，反轉掃上麥芽糖，焗10分鐘，完成

瑞士汁雞翼

瑞士汁雞翼要整得好食，揀選醬油真係好重要，而我每一次整瑞士汁雞翼，定必會選用鉅利醬油，因為每一次整，家人同朋友都會大讚，哈哈...

雖然呢支醬油要自己調味，但用得耐就會有佢獨特嘅味道，因為每一次加入不同的食材，經過無數次的翻用，就會變成超正既陳年瑞士汁，每次用完，千萬不要倒掉，隔油，將它攤凍變成室溫，再放入冰箱保存

而我的冰箱已有一盒用了幾年時間的陳年瑞士汁，每一次用就將它解凍，如果份量唔夠就注入1：1鉅利醬油、水及少少生抽，將其延續

材料：

鉅利醬油  1碗

水             1碗

生抽         1湯匙

花椒八角  1湯匙

肉桂枝     半條

白胡椒粒  少許

做法：

1. 花椒、八角、肉桂枝、白胡椒粒清洗乾淨，用茶袋袋起

2. 煲放入醬油、水、生抽及茶袋

3. 滾起放入雞翼或其他食材，滾起熄火，半小時後再次滾起熄火，重複做三次，完成

(用浸熟既方法，保證啲雞翼又滑又入味)，哈哈...

4. 拎起茶袋待涼，隔去油份，放入冰箱保存

蒜蓉蒸扇貝

我的另一伴很喜歡食扇貝，雖然煮法簡單、但清洗雖時，而作為一個稱職既人妻，久不久都要滿足一下佢個胃既...

材料：

扇貝   4隻

蒜蓉

蔥頭

蔥粒

做法：

1. 扇貝清洗乾淨、備用

2. 水滾蒸5分鐘

3. 煮滾油放蒜蓉、蔥頭、糖及豉油 ，蒜蓉變成金黃色，淋上扇貝面，灑上蔥粒，完成

青邊鮑猴頭菇瘦肉湯

開始立秋，湯水係時候又要轉換一下，煲返d滋潤嘅湯水，為身體提高免疫力

材料：

青邊鮑   1隻 

猴頭菇   4個

杞子       1湯匙

紅棗       4粒

陳皮       1角

瘦肉      ＄30

做法：

1. 所有材料洗淨，陳皮刮瓤，備用

2. 青邊鮑解凍，剪去嘴蒂，出水

3. 猴頭菇用清水浸半小時，重覆擠到冇黃色水

4. 瘦肉切小塊，出水

5. 凍水加入陳皮、青邊鮑，滾起將所有材料加入，轉小火煲2.5小時，完成

無花果陳皮水

皮膚要水潤，身體就要定期補水，特別捱夜或吃上火食物後，更需要特別修護，無花果陳皮水有效提升脾胃津液、潤肺止咳、溫和潤燥、滋潤皮膚

材料：

無花果      半磅

生囇淮山   8塊

南北杏      適量

陳皮          半個

做法：

1. 所有材料洗淨，無花果剪開一半，備用

2. 陳皮浸至軟身，刮去白色瓤

3. 預備約十八碗分量的水，陳皮凍水落，可避免燥熱

4. 水滾後，將所有材料加入，滾起後轉慢火煲1.5小時，完成

泰式豬手

早前鹹豬手減價，精明既我梗係入定貨啦，煲完湯再整泰式豬手，1隻豬手2食好抵呀，配料索哂啲汁，老公食完都話正

材料：

鹹豬手   1隻

車厘茄   5個

紫洋蔥   1個

乾蔥      4粒

蒜頭      4粒

中芹

青檸        5個

指天椒    1隻

汁料：

雞醬、魚露、青檸汁

做法：

1. 先將豬手出一出水，然後用嚟煲湯(約煲1.5小時)，將鹹豬手取出後，用冰水浸至冷卻，用廚房紙抹乾，起骨

2. 鋪一張保鮮紙在枱，放上豬手肉，慢慢將豬手捲好，用保鮮紙紮實再加多2-3層保鮮紙，再用綿繩紮實為止，紮得越實，切的時候會切得完整

3. 將所有配料洗淨切好，然後用一個大盆，將所有材料加入包括豬手

4. 青檸開邊醬汁醬汁揸出但青檸不要掉，放埋入盆內因為青檸皮有自己獨特嘅香味千祈唔好浪費，然後加入適量魚露丶雞醬、拌勻，完成(放入雪櫃雪凍後食味道更佳)

泰式粟米蝦餅

自家製泰式粟米蝦餅，加左藍象青咖哩醬，十分惹味，自己撻蝦膠，雖然步驟會多一點，但口感十分彈牙，亦有些食譜會加入蛋白和蔥白，不過我覺得簡簡單單已經足夠

材料：
蝦                    1斤
粟米                 適量
藍象青咖哩醬  1茶匙
魚露                 1茶匙
胡椒粉             適量

做法：
1. 蝦洗淨，去蝦殼，用菜刀背拍扁 
2. 加調味料、拌勻，撻5-6下，等佢起膠，再加粟米，撻至起膠
3. 燒熱油鑊，加多點油才有金黃效果
4. 中火，手沾水將蝦膠搓成圓餅，下油鑊半煎炸至金黃色，完成

秋葵火腿炒蛋

秋葵又名毛茄，含有果膠、牛乳聚糖等等，具有幫助消化、治療胃炎、保護皮膚和胃黏膜之功效，其含有鐵、鈣及糖類等多種營養成分，有預防貧血的效果。它分泌的黏蛋白有保護胃壁的作用，並促進胃液分泌，提高食欲，改善消化不良，被譽為保健蔬菜之一

材料：

秋葵    5條

蛋       4隻

火腿   1片

調味料：

鹽         半茶匙

胡椒粉  少少

做法：

1. 先將秋葵成條滾水烚約1分鐘，沖水後切粒

2. 火腿切粒，炒熟

3. 雞蛋打入碗，將材料及調味料加入，拌勻

4. 熱油煎熟，完成

香茅檸檬葉薏米水

美白、去水、排毒，煲好雪凍飲超好味，唔加冰糖可以轉加蜜糖，正

個味道似泰國嘅welcome drink 

材料：

香茅     12支

檸檬葉 ＄7

生熟薏米

冰糖

做法：

1. 所有材料洗淨，薏米要浸一個鐘，香茅切頭切尾，切段拍扁，檸檬葉去莖

2. 凍水落生熟薏米，煲一個鐘先再加香茅、檸檬葉、冰糖煲20分鐘，熄火焗10分鐘，完成

薑蔥鮑魚

快速爆炒鮑魚，快速煮完，哈哈...

唔會un仲好好味添

材料：

鮮鮑魚    6隻

薑           4片

蔥           1棵

蒜頭        2粒

乾蔥        2粒

指天椒    1隻

調味：

紹興酒    半湯匙

柱侯醬    1茶匙

豉油        1茶匙

糖           半茶匙

做法：

1. 用刷清洗鮑魚，再用生粉卒乾淨，剪去鮑魚嘴，洗淨備用

2. 中大火下油，先炒香薑片、乾蔥、蒜及指天椒

3. 再加入蔥段、鮑魚略炒均

4. 沿鍋邊倒入紹酒，蒸氣一出馬上蓋上蓋，轉最小火煮1分鐘

5. 開蓋再加入柱候醬、豉油及糖，拌勻，完成

三文魚炊飯

由細到大都唔係好鍾意食魚，怕個陣魚腥味同怕多骨，但近日身體不適，醫生叫我吸收多啲蛋白質，見完醫生唯有乖乖去supermarket買件三文魚扒，將它拆肉整三文魚炊飯，唔怕有骨之餘，亦可以吸收到蛋白質、豐富既魚油同omega 3啦

材料：

三文魚扒   1塊

米              1杯

洋蔥          1個

調味料：

鰹魚汁     1湯匙

味醂         1湯匙

料理酒     1湯匙

日本醬油  1茶匙

做法：

1. 首先將三文魚扒用料理酒及醬油醃一會

2. 洋蔥切粒，炒香

3. 米洗淨，加入調味料、水，再加入炒香嘅洋蔥，按下電飯煲煮飯制

4. 臨完成前10分鐘，揭開電飯煲蓋，放入三文魚扒，煮熟

5. 飯煲好後，拎起三文魚扒拆肉，扒鬆啲飯

6. 飯面放上碎三文魚，蔥，少少黑胡椒，完成

蒜香金不換波波蜆炒扁意粉

Fusion菜式，第一次整波波蜆，好鮮甜呀，就咁簡簡單單已經好好味，想食得野味啲，可以再加多啲辣椒

材料：

波波蜆  1斤

扁意粉  1/3包

金不換   適量

配料：

乾蔥      3隻

蒜蓉      適量

指天椒   2隻

調味料：

海鹽       適量

黑胡椒   適量

牛油        5g

豆瓣醬    2茶匙

做法：

1. 未煮既蜆要放入雪櫃，炒之前先沖洗

2. 扁意粉烚至自己喜愛的軟硬度，備用

3. 用牛油起鑊，爆香乾蔥和蒜蓉、指天椒，放入扁意粉快兜，這時可加入海鹽和黑胡椒調味，再放入剛沖洗好的蜆

4. 波波蜆會出水，如不夠水，可額外加少少水

5. 加入切碎了的金不換，蓋上蓋子，直至看到蜆微微張開，最後便加入豆瓣醬快兜便完成

魚茸釀荔枝

媽媽比左一大袋荔枝給我，食得多又怕燥熱，唯有將佢入饌，變成一道家常菜，既有水果清甜又有啖啖既魚肉，大人小朋友都好喜歡

材料：

荔枝       20 粒

鯪魚肉   4兩

玻璃芡汁：

泰式甜酸醬 3湯匙

胡椒粉        少許

鹽               少許

生粉            2茶匙

水               2湯匙

做法：

1. 荔枝去皮，以小刀去核

2. 用廚房紙吸去荔枝多餘水份，盡量不要大力按壓，保持荔枝圓圓的外型

3. 將鯪魚肉放入唧袋，唧入荔枝至飽滿

4. 排好荔枝在蒸碟上，魚肉那開口向上

5. 隔水蒸八分鐘，蒸的同時，可準備玻璃芡汁

7. 落甜酸醬稍爆，再下生粉水、胡椒粉、鹽，煮至醬汁變稠

8. 倒去多餘水份，落醬汁，完成

益力多乳酪慕絲杯

夏日炎炎，總想食d凍冰冰甜品，老公喜歡飲益力多，但糖份高，而我將它變化成慕絲杯，再加入乳酪感覺會健康一點，又太不heavy 

     

材料 :

益力多      100 + 30 ml

原味乳酪  半杯(120 g)

淡忌廉      150 g  

砂糖          20 g

魚膠粉      6g

啫喱面：

藍色啫喱粉   25g

熱水             半杯

魚膠粉          1/2茶匙

做法：

1. 魚膠粉加30ml益力多拌勻浸五分鐘後坐熱水至溶

2. 乳酪加100ml益力多拌勻至無粒粒

3. 淡忌廉加糖用電動打蛋器打至軟身

4. 益力多乳酪混合物加魚膠水拌匀，再分三次將已打起之淡忌廉用切拌方法拌入，即成慕絲

5. 將慕絲平均分配放入小杯內，“登”平，雪實後倒入室溫啫喱水，再雪至啫喱面凝固，完成

Lasagne 千層麵

千層麵簡單易做、好味，不用預先煮麵，只需要炒好肉碎，再加一樽自已喜歡的意粉醬便可，平時我會一次過整多少少份量，放係冰箱，想食嘅時候放入焗爐焗就可以啦

材料：

千層麵      4塊(no pre cooking)

乾蔥頭      2粒切碎

豬肉碎      15蚊

意粉醬      1樽

茄汁          1茶匙

砂糖          適量

Mozzarella Cheese  適量

做法：

1. 乾蔥切碎，爆香後加入肉碎炒至熟

2. 倒入意粉醬煮滾後加茄汁及糖調味，試味後備用

3. 焗盤底噴少少油，放1塊千層麵，塗上1層肉醬及灑上芝士碎，重覆鋪至鋪完4塊麵為止(肉醬要塗滿每1塊千層麵，因為要有濕度才會軟身)

4. 焗爐200度20分鐘，至芝士變成金黃色，完成

 

黃耳雪梨紅棗茶

黃耳又稱金耳，有很好的保健食療價值，它有抗衰老、抗缺氧、降血脂、降膽固醇及提高機體代謝功能，又能抑制腫瘤細胞生長，具抗癌作用，對肝臟排毒及代謝功能更是有益，黃耳亦比雪耳性質較為溫和，更含豐富膠質，有加倍滋陰養顏功效

材料：

黃耳        10g

雪梨         2個

桂圓         1湯匙

去核紅棗  8粒

冰糖適量

做法：

1. 黃耳隔晚浸軟，瀝乾後剪去硬蒂，備用

2. 所有材料洗淨

3. 雪梨去皮，去芯及切塊

4. 水滾將所有材料加入，煲1.5小時，最後落冰糖，完成

粟米魚肚羹

有時候去完街返黎，又冇時間煲湯，我會整一個快捷、方便又美味既羮，只需十分鐘的時間，飲得

材料：

Sweet corn cream style  1罐

水      1罐

蛋      兩隻

魚肚  半條

做法：

1. 魚肚浸軟身，洗淨出水，渣乾水切成粒粒，備用

2. 落1罐粟米湯，加1罐水拌勻煮滾

3. 湯滾起落魚肚，再次滾起落蛋，加小小鹽、胡椒粉調味，完成

無花果桂花蘋果雪梨茶

無花果營養價值高，具有降血脂血壓，滋陰健脾、益胃潤腸、舒緩咽喉痛、清熱解毒和消腫止血的功效。科學家更發現，經常食用無花果的南美洲居民，癌症發病率亦較低，近排喉嚨有d乾，試試先，飲完真係有舒緩嘅功效

材料：

桂花     適量
蘋果      2個
雪梨      1個
無花果  4個
冰糖     適量

做法：
1. 所有材料洗淨

2. 蘋果、雪梨去芯去皮切件，無花果切半

3. 水滾先放無花果，桂花，煲約15分鐘，再加入蘋果、雪梨小火煲30分鐘，最後加入冰糖調味，完成

柚子蜜雞翼

今晚又整雞翼... 哈哈，冇辦法啦老公鍾意食，上次一田減價時買左1大樽柚子蜜，要好好利用它呢，柚子蜜丶雞翼配搭在一起，非常美味，甜甜的，真開胃啊，絕對讓您吃個不停

材料：

雞翼             10隻

柚子蜜          2湯匙 

白芝麻          適量

醃料：

生抽       半湯匙

老抽        1茶匙

紹興酒    半湯匙

糖           半茶匙

做法：

1. 雞翼，洗淨後抹乾水，備用

2. 雞翼用醃料醃大約1小時

3. 焗爐200度預熱，雞翼底向上焗10分鐘，再面向上焗10分鐘

4. 雞翼出爐，掃上韓式柚子蜜，完成

泡菜大蜆豆腐鍋

夏天熱辣辣，留係廚房耐d都滿頭大汗，今次介紹給大家一個快捷又方便既鍋，只需十分鐘時間就完成

材料：

蜆          1斤      

硬豆腐   1件

泡菜

蔥

水

做法：

1.蜆用鹽浸2小時吐沙，過清水用刷洗乾淨，備用

2.豆腐切件

3.水滾放豆腐煮3分鐘，加入大蜆煮大概3分鐘至開口

4.加入泡菜煮3分鐘，最後加入蔥段，完成

腐皮蝦芝士卷

簡單易做又好味，我亦會將蝦切成一粒粒拌入蝦膠中，增加口感，這個芝士卷不只下飯，作為開party小食亦大受歡迎

  

材料：

片裝芝士

腐皮          1張

蝦膠         ＄40

蝦

蔥粒

做法：

1. 腐皮用濕布抹乾淨，剪成1片片

2. 蝦去殼切粒，加入蝦膠中，再落少少胡椒粉及粟粉拌勻

3. 一片腐皮，舖上蝦膠，芝士，蝦膠，摺好

4. 落少少油，把腐皮卷煎至金黃，完成

梅酒

終於等到有日本梅子賣喇，聽sale 姐姐講話用日本梅子釀製的梅酒會好飲些，就等我再浸多一瓶睇下個分別先

材料：

和歌山古城梅  1000g

碎冰糖             400 g  

燒酌                1800 ml            

做法：

1. 用牙簽挑去掟部，梅子放在大盤中，加粗鹽搓揉洗淨，再用清水浸泡 1 – 2 小時，可去除濃藥亦可去除青澀味

2. 瀝乾水份，舖平風乾，(緊記一定要風乾，如不乾透就會發霉)用針在梅子身刺一些小孔，有助梅子出味，再用酒清洗一次青梅

3. 玻璃瓶用熱水消毒晾乾，把青梅放入玻璃瓶內，再將冰糖加入，舖好後注入燒酌

4. 密封蓋子，放在陰涼處，每隔 10 天搖晃瓶子，使冰糖與酒混合均勻，冰糖會慢慢融化於酒中

5. 3個月之後試味，如不夠甜可加入冰糖，搖晃均勻，再放多半年或1年以上，當梅酒變成琥珀色，即可開封享用，完成

荔枝酒

之前釀製嘅荔枝酒有收成喇，一打開蓋就已經聞到好香既荔枝味，再加幾粒冰，飲完個人清涼曬

食譜：

https://m.facebook.com/K.T.Kitchen1/photos/a.412416262213884.1073741839.401742933281217/563076537147855/?type=1&source=56&ref=bookmark

洋薏米腐竹雞蛋糖水

好耐冇煲過糖水飲，近排天氣又熱又焗，煲返個洋薏米腐竹雞蛋糖水，甜一下先，雪凍飲仲正呀

材料：

洋薏米   適量

腐竹       2塊

雞蛋       1隻

冰糖      適量

做法：

1. 腐竹及洋薏米洗淨備用

2. 凍水放入洋薏米煲半小時，再落腐竹煲半小時

3. 加入冰糖，待冰糖溶後便加入烚熟雞蛋，完成

芒果糯米糍

一到夏天又係食芒果既季節，而家既芒果大大隻，又甜又多汁，用黎整甜品就最好不過喇

材料：

糯米粉  80g

鷹粟粉  30g

糖         30g

水         50g

椰漿     100g

芒果     2個

菜油     1-2湯匙

少量熟糯米粉(包外層用)

做法：

1. 將糯米粉、鷹粟粉、糖、水、椰漿及菜油混合，攪拌至無粉粒成糰

2. 水滾後，放入麵團用中火蒸15分鐘，取出待涼

3. 芒果肉切成大正方形

4. 拿起45g麵團放入保鮮袋碌薄，包入果肉收口，滾上熟糯米粉，完成

蕃茄薯仔雞腳豬尾骨湯

含有豐富的骨膠原，又有茄紅素，有益又健康

材料：

蕃茄          4個

薯仔          2個

粟米          1條

新鮮雞腳   8隻

豬尾骨      ＄30

做法：

1. 所有材料洗淨，豬尾骨、雞腳，出水備用

2. 薯仔去皮切件，蕃茄、粟米切件

3. 水滾將所有材料加入，煲2小時，完成

  

紫薯牛奶糕

在網上見到有人整紫薯牛奶糕，製成品係一隻好靚既紫色，身為紫控的我，當然要跟住做啦，好滿意，真係又靚又好味

材料：

紫薯      150g（惠康有售）

牛奶      360g

砂糖      50g

魚膠片  15g

水         4湯匙

做法：

1. 將紫薯洗淨去皮後切成小塊，大火蒸12分鐘，然後用叉壓成紫薯泥

2. 將魚膠片剪成小塊，用4湯匙水浸軟備用

3. 用小火將180g牛奶和砂糖混合煮溶，然後加入魚膠片繼續拌勻，直至魚膠片完全溶化

4. 將紫薯及牛奶倒入攪拌機，然後過篩

5. 將紫薯牛奶加入剩餘的180g牛奶，拌勻

6. 將（5）再過多一次篩，務求令紫薯牛奶糊更滑，成品會更加細緻

7. 將紫薯牛奶糊倒入容器，放入雪櫃冷藏一晚，完成